“Enfild”da Daglishning nomi abadiylashtirildi+FOTO

Klub rasmiy saytining xabar berishicha, “Senteneri Stend” deb nomlanuvchi minbar endilikda “Kenni Daglish Stend” nomi bilan ataladi.

Bugun o'tkazilgan maxsus marosimda 66 yoshli Daglishning oila azolari, do'stlari va jamoadoshlari ishtirok etishdi.

Daglish 1977 yilda “Liverpul”ga kelgan va jamoa safida 515 ta uchrashuvda maydonga tushib, 172 ta gol urgan. 1985 yildan u jamoada o'ynovchi-murabbiy sifatida ishlagan. Futbochli va murabbiy sifatida u sakkiz bor Angliya chempionligi, uch marta CHempionlar kubogi, ikki bor Angliya kubogi va besh marta Liga kubogini qo'lga kiritgan. 1991 yilda Daglish jamoadan ketgan.

2011 yili Daglish yana “Liverpul” bosh murabbiyi etib tayinlangan va 2012 yili Liga Kubogini qo'lga kiritgan. Ammo keyinchalik istefoga chiqarilgan.