Eldorbek Suyunovning ushbu mavsumdagi statistikasi

"Eldorbek Suyunov ushbu mavsumda o'zini har tomonlama yaxshi ko'rsatdi. Jamoa muvaffaqiyatlariga Eldorbek Suyunovning xizmati katta bo'ldi", - deyiladi xabarda.

Eldorbek Suyunov ushbu mavsumda (Oliy liga, OCHL, O'zbekiston kubogi) jami 29 o'yinda maydonga tushdi va o'z darvozasidan 19 marotaba to'p olib chiqdi. SHuningdek, Eldorbek Suyunov 14 uchrashuvda o'z darvozasini quruq saqlashga erishdi.

"Nasaf" darvozaboni OCHL doirasidagi ikkita o'yinda ("Al Ahli" (BAA) - "Nasaf" 0:0, "Nasaf" - "Al Ahli" (SA) 0:0) rasman uchrashuvning eng yaxshi futbolchisi bo'lgan. Qolaversa Oliy liga bahslarida bir necha marotaba bellashuvning eng yaxshi futbolchisi deb topilgan.

Eldorbek Suyunov ushbu mavsumda "Nasaf" bilan O'zbekiston kubogi sohibiga aylandi va futbolchilik faoliyatidagi uchinchi bronza medallarini qo'lga kiritdi.

Eldorbek Suyunov Oliy liganing 27-turidan o'rin olgan "Bunyodkor"ga qarshi bahsda jarohat olib safdan chiqqandi. Yaqindagina "Nasaf" posboni Moskvada jarrohlik stoliga yotqizildi va operaciya muvaffaqiyatli o'tkazildi. Eldorbek Suyunov endilikda keyingi mavsumdan boshlab maydonga qaytadi.