Eldorbek Suyunovning "Nasaf" muxlislariga yo'llagan xati (FOTO)
04 iyu 2017 22:23
Yangiliklar
![](https://championat.asia/upload/storage/262710_original.jpg)
![](/upload/storage/262710_220.jpg)
Eldorbek Suyunovning "Nasaf" muxlislariga yo'llagan xati (FOTO)
Eldorbek Suyunov bugun "Nasaf" safida o'zining oxirgi o'yinini "Bunyodkor"ga qarshi o'tkazdi.
"Nasaf" bilan xayrlashayotgan mahoratli posbon uchrashuvdan keyin o'zining instagramdagi sahifasi orqali qarshilik muxlislarga murojaat qildi.
Quyida Eldorbek Suyunovning instagramda joylagan surati va uning tagidagi izohni havola etamiz:
"Avvalo barcha "Nasaf" muxlislariga katta rahmat aytaman! Biz birgalikda
ajoyib yillarni o'tkazdik. G'alaba quvonchi, mag'lubiyat alamida birga
bo'ldik. Har daqiqa Sizlarning qo'llab-quvvatlashlaringizni his etib
turdim.
"Nasaf" doim sizdek ajoyib muxlislari bilan kuchli bo'lib
qolaveradi. Biz endi professional aloqalarimizni uzmoqdamiz. Lekin
insoniylik tarafdan, futbolchi va muxlis aloqalari doimo bog'liq bo'ladi.
Faoliyatimda
yangi bosqich, yangi davr boshlanish arafasida. "Nasaf"dagi ajoyib yillarni
hech qachon unutmayman. Bu jamoa doimo yuragimda qoladi. Men "Nasaf"dan
ketyapman, ammo bu erdagi xotira va unutilmas onlar hech qachon ketmaydi.
Qachondir Siz aziz muxlislarni xafa qilgan bo'lsam yoki xatolarim bilan
kayfiyatlaringizni tushirgan bo'lsam uzr so'rayman!
"Nasaf"dagi butun jamoaga, jamoadoshlarimga, murabbiylarimga, klubdagi barcha xodimlarga, muxlislarga katta rahmat aytaman!
Biz qachondir yana uchrashamiz. Qaysi payt va qanday ko'rinishda bunisi nomalum.
Professional
futbolchining o'zining professional orzulari va maqsadlari bo'ladi. Men
"Nasaf" muxlislariga xayr demayman, ko'rishguncha, deb qolaman.
"Paxtakor" muxlislariga esa o'zimni iliq salomimni yo'llayman! Biz endi birgamiz va yangi marralarni birga zabt etamiz!
Meni taqdirim va faoliyatim endi ajoyib jamoa "Paxtakor" bilan bog'lanmoqda.
Rahmat "ajdarlar"!", - deb yozadi "Paxtakor"ning bo'lajak darvozaboni Eldorbek Suyunov.
O’xshash yangiliklar
![AMP Logo](https://championat.asia/image/logo-amp.png)
Fikrlar