Eldor Suyunov: "Muxlislar stadionni to'ldirib o'tirishsa bas, biz ularga g'alabani taqdim etamiz"
06 avg 2015 05:05
Yangiliklar
![](https://championat.asia/upload/storage/178751_original.jpg)
![](/upload/storage/178751_220.jpg)
Eldor Suyunov: "Muxlislar stadionni to'ldirib o'tirishsa bas, biz ularga g'alabani taqdim etamiz"
"Andijonda har doim shiddatli o'yin bo'ladi. Bu uchrashuv jamoamiz uchun ancha qiyin kechdi. Tezkor kiritib olingan goldan so'ng biz natija uchun o'ynadik. "Andijon" jamoasi bu bahsda yomon o'ynamadi. SHunchaki biz mahorat bobida ulardan ustunlikka erishdik. Bu o'yinda menga juda ko'p ish topildi deya olmayman. Ramziy terma jamoaga kirishimni kutmagandim. Aytib o'tganimdek, darvozamiz oldida u qadar ko'p vaziyatlar sodir etilmadi. SHu bois, bu safar turning ramziy terma jamoasidan o'rin olaman deb o'ylamagandim. Albatta, bundan xursandman. Asosiysi, biz muhim g'alabani qo'lga kiritdik. G'alabada va meni ramziy terma jamoaga kirishimda jamoadoshlarimning hissasi katta bo'ldi. Bizni oldinda muhim o'yinlar kutib turibdi. "Olmaliq" va "Lokomotiv" jamoalari chempionatimizning kuchli klublari sanalishadi. Bu uchrashuvda hech bir jamoaga oson bo'lmaydi. Muxlislar stadionga kelib, bizni qo'llab-quvvatlab turishlarini so'ragan bo'lardim. Stadion ishqibozlar bilan to'lsa bas, biz muxlislarimizga g'alabalarni taqdim etamiz. Bu borada ularning yordamlari bizga qo'l kelishi tayin", - deydi Eldor Suyunov.
O’xshash yangiliklar
![AMP Logo](https://championat.asia/image/logo-amp.png)
Fikrlar