Ektor Kuper chaqirgan legionerlar terma jamoaga qachon kelishadi?
23 avg 2019 14:40
Yangiliklar
![](https://championat.asia/upload/storage/513835_original.jpg)
![](/upload/storage/513835_220.jpg)
Ektor Kuper chaqirgan legionerlar terma jamoaga qachon kelishadi?
Kecha terma jamoamiz bosh murabbiyi Ektor Kuper mazkur o'yinga chaqirilgan futbolchilar ro'yxatini elon qildi. Ushbu ro'yxatdan 5 nafar legioner o'rin oldi.
Terma jamoa 28 avgust kuni Toshkentda yig'in boshlab, 3 sentyabr kuni Falastinga Isroil orqali uchib ketishadi. 2019 yilning 2-10 sentyabr kunlari rasman FIFA kunlari deb qayd etib qo'yilgan. Xo'sh, chet elda o'ynayotgan futbolchilar o'z klublari safida qachon o'yin o'tkazishadiyu, qachon Toshkentga etib kelishadi? Mana shu savolga javob berishga harakat qilamiz.
Sanjar SHoahmedov uzoq tanaffusdan so'ng yana terma jamoadan chaqiruv oldi. Hamyurtimiz Malayziyada "Terengganu" safida o'zining to'purarlik salohiyatini namoyish etib kelmoqda. SHu bois bo'lsa kerak Ektor Kuper SHoahmedovni sinab ko'rishga qaror qildi. Ayni paytda Malayziyada chempionat yakuniga etib bo'lgan va kubok bahslari davom etmoqda. "Terengganu" bugun, 23 avgust kuni "Negeri Sembilan" bilan kuch sinashadi. SHoahmedov mana shu o'yinni o'tkazib bemalol Toshkentga kelaversa bo'ladi, chunki klubning navbatdagi bahsi 13 sentyabr kuniga belgilangan.
O'zbekiston terma jamoasi sardori Odil Ahmedov SHoahmedovdan keyin yurtimizga uchib keladi. 27 avgust kuni "SHanxay SIPG" Osiyo chempionlar ligasi chorak finali dastlabki uchrashuvi doirasida Yaponiyaning "Urava Red Daymonds" klubini qabul qiladi. Mana shu muhim bahsdan so'ng Ahmedov Toshkentga etib keladi.
Terma jamoamizning etakchisiga aylanib ulgurgan Eldor SHomurodov terma jamoaga kelishdan avval yana ikkita o'yinda maydonga tushadi. "Rostov" Rossiya premer-ligasi doirasida 25 avgust kuni "Rubin" bilan o'ynaydi. 31 avgustda esa "Lokomotiv"ga qarshi maydonga tushadi. SHu bois SHomurodov faqatgina sentyabr oyi boshidagina Toshkentga uchib keladi xolos.
Bu yig'inga eng so'nggi bo'lib Yaponiya va Janubiy Koreyada faoliyat olib borayotgan legionerlarimiz etib kelishadi. Yaponiya birinchi divizionida ishtirok etuvchi "Renofa Yamaguchi" klubi ertaga, 24 avgust kuni "Varen Nagasaki" bilan to'qnash keladi. 1 sentyabr kuni Doston Tursunov jamoasi "Fadjano Okayama" bilan kuch sinashadi. SHundan keyingina Tursunov yurtimizga uchib keladi.
Ikrom Aliboev o'ynyotgan "Seul" klubi 25 avgustda "Jeju Yunayted" bilan, kuz faslining ilk kunida "CHonbuk Motors" bilan kuch sinashadi va shundan so'ng O'zbekistonga qarab uchadi.
O’xshash yangiliklar
![AMP Logo](https://championat.asia/image/logo-amp.png)
Fikrlar