Dmitriy Gradilenko: "2009 yilda "Lokomotiv" havaskor ko'rinishda edi"

"Toshkentga ilk bor 1985 yil Sobiq Ittifoq o'smirlar terma jamoasi bilan musobaqada qatnashish uchun kelgandim. O'shanda biz turnirda g'olib bo'lganmiz. 2009 yilda taniqli darvozabon Aleksandr Filimonovning "Lokomotiv"dagi o'yinlaridan birini ko'rish maqsadida kelgandim. Sashaning "Lokomotiv"ga o'tishi juda tez hal bo'lgan. Bu bilan uning katta futboldagi faoliyatini davom ettirishiga hissa qo'shganman. Hozir Filimonov Tulaning "Arsenal" klubida o'ynamoqda", - deydi Dmitriy Gradilenko.

2009 yil kelganimda "Lokomotiv" talabalar shaharchasida o'yinini o'tkazgandi. Barchasi havaskor ko'rinishda edi. Kecha bu jamoaning yangi stadioni va bazasi bilan tanishdim. O'zgarishlar katta ko'lamda. Futbol rivojlanishini hukumat qo'llab-quvvatlayotgani, mamlakat Prezidenti Islom Karimovning shaxsan etibori yuqori ekanligini bilaman. O'smirlar va yoshlarning jahon chempionatida o'ynayotgani bekorga emas. Ahmedov va Denisov Rossiyadagi yaxshi nomga egalar. Odil qishda "Krasnodar"ga ko'chib o'tadi. U "Anji"da bir tekisda o'yin namoyish qildi. Denisov "Lokomotiv" bilan jadvalda peshqadamlik qilyapti.

Futbolchilarning yangi jamoalarga o'tishida ko'p narsa ularning o'ziga bog'liq. Agentlarning hissasini juda katta deb aytmayman. Aksariyat vaziyatda futbolchilarning saviyasi barchasini hal qiladi. Klublar o'zaro muzokara olib borganda o'yinchining narxi yuqori bo'ladi. Agent taklif qilganda esa narx tushib ketadi.