Diyor Mirzaboev: "CHiroyli o'yindan ko'ra g'alaba zarurroq edi"
28 apr 2022 20:07
Yangiliklar

Diyor Mirzaboev: "CHiroyli o'yindan ko'ra g'alaba zarurroq edi"

Pro liga 6-turidan o'rin olgan "Zomin" – "Yangier-Quruvchi" (0:1) bellashuvidan so'ng mehmonlar ustozi Diyor Mirzaboev fikrlarini bildirdi.

- O'yin haqida

- Uchrashuv og'ir o'tdi. Durangga loyiq bahs bo'ldi. Bizda ham, ularda ham talaygina vaziyatlar yuzaga keldi.

Jamoaga yangi kelganim bois hali yigitlarning holatidan yaxshi xabarim yo'q. Ularga o'yin uchun rahmat deyman. Hozir bizga chiroyli o'yindan ko'ra g'alaba zarurroq edi.

- Bosh murabbiy sifatida ilk o'yiningizni o'tkazdingiz. Jamoada qaysi chiziqlarda muammo borligi ko'zga tashlandi?

- O'tgan 6 turni olsak, "Yangier-Quruvchi" bor-yo'g'i 2 ta gol urgan. Hujumchilar gol urishda qiynalishyapti. Ular yomon hujumchi demoqchi emasman, ammo vaziyatlar hosil qila olishmayapti. Bundan tashqari, jarohatlangan qanot yarim himoyachilarimiz borligi ham muammo keltirib chiqarmoqda.

Havola :

Manba : championat.asia

Yangiliklarni Telegramda o'qing!

Reyting: +3