So’nggi yangiliklar

01:40ЕЧЛ учун кураш. "Рома" муҳим баҳсда мағлубиятга учради  23 01:00Саудия Арабистони. Роналду майдонга тушмаган баҳсда "Ал Насср" 9 та гол урди  5 00:28Витор Рейс: "Ҳусанов ҳудди акамдек"  10 00:09ПСЖдагиларнинг фикрича, Килиан клубдан 98 млн евро қарздор экан  1 23:32"Ливерпуль" Фримпонг бўйича музокаралар олиб бормоқда. "Байер" ҳимоячисининг товон пули – 35-40 млн евро  1 22:23Мбаппе "Олтин бутса" учун курашда Дьокерешдан 3 очко ва Салаҳдан 2 очко ортда  2 22:02"Бавария" 150 млн. евролик футболчини сотиб олмоқчи  3 21:15МЮ "Ипсвич" ҳужумчисини харид қилмоқчи  2 20:36Расман: Карло Анчелотти Бразилия терма жамоасини бошқаради  11 20:15"Халқим учун "Олтин тўп"ни қўлга киритишни истардим" — Муҳаммад Салоҳ  54 19:48Эшитдик-да! Эртага Шацких "Андижон" бош мураббийи этиб тайинланади  29 19:31Ханси Флик Пеп Гвардиоланинг ютуғини такрорлади  3 19:05Карло Анчелотти тез орада Бразилия терма жамоаси бош мураббийи сифатида иш бошлайди  7 18:48Футзал. "Оил Стар" Ўзбекистон Кубоги ярим финалининг илк баҳсида ЎзСҚБни йирик ҳисобда енгди  1 18:15"Лидс" трансферлар учун 100 млн фунт сарфлайди  6

"Dinamo"ni tanlashi, "Xo'jand"dagi faoliyati borasida SHohruh Mahmudhojiev bilan suhbat Yangiliklar

"Dinamo"ni tanlashi, "Xo'jand"dagi faoliyati borasida SHohruh Mahmudhojiev bilan suhbat

Superliga ikkinchi davrasi oldidan "Dinamo" jamoasi o'z tarkibiga 24 yoshli hujumchi SHohrux Mahmudhojievni qo'shib oldi.

SHundan keyin u bilan bog'landik va saytimiz uchun intervyu oldik. 

Dinamoga o'tishingiz qay tariqa amalga oshdi?

- Hammasi oddiy. Tojikistondan ketishimni bilganimdan so'ng menga bir qator jamoalardan taklif bo'ldi. Jumladan, "Dinamo" mutasaddilari tomonidan aloqaga chiqishdi. O'zim ham faoliyatimni o'zimizda davom ettirish niyatim bor edi. Har holda oilamga yaqin joyda futbol o'ynashni istayotgandim. Keyinchalik "Dinamo" biln muzokara o'tkazib, yakunda shartnoma imzoladim. 

- Jamoa bilan qancha muddatli shartnoma imzoladingiz?

- "Dinamo" bilan 2022 yil oxiriga qadar shartnoma imzoladim.

- Bu erdagi raqobatga munosabatingiz qanday?

- Hozirda jamoada raqobat juda yaxshi. Ichki muhitga gap yo'q. Deylik, jamoaga mendan tashqari, Marat Bikmaev, Erkin Boydullaev singari tajribali futbolchilar taklif qilindi. Marat aka bilan "Paxtakor"da birga o'ynaganman, undan ko'p narsa o'rganganman. Xullas, yuqorida tilga olgan ikki nafar futbolchidan maydonda va uning tashqarisida ko'p narsa o'rganish mumkin. Qisqasi, raqobatdan cho'chimayman, jamoaga yordam berish istagida keldim. 

- Bu yilgi Superliga o'yinlari qanday kechmoqda?

- Men Tojikistonda to'p tepayotgan vaqtimda ham, O'zbekiston Superligasini muntazam ravishda kuzatib bordim. Aytish kerakki, chempionat juda qiziqarli kechmoqda. CHempionlik uchun kurashayotgan jamoalar orasida ochkolar tafovuti u qadar katta emas. “Dinamo” pastda bo'lishiga qaramay, ikkita g'alaba bilan yuqoriga ko'tarilib olishimiz mumkin. Xullas, Superliga o'yinlari juda qiziq va murosasiz o'tmoqda. 

- Superliganing boshqa jamoalaridan taklif bo'ldimi?

- Ha, boshqa jamoalardan taklif bo'ldi. Lekin men "Dinamo"ni tanladim va jamoaga o'z yordamimni berishni istayman. 

- "Xo'jand"dagi faoliyatingiz qanday bo'ldi? Bu jamoaga o'tishingizdan afsuslanmadingizmi?

- Bilasizmi, men "Xo'jand"da faqat hujumchi poziciyasida o'ynamadim. Bazida qanotlarda o'ynadim. Ko'proq hujumkor yarim himoyaga qo'ydi. Bir so'z bilan aytganda, meni turli chiziqlarda sinab ko'rishdi. Tojikistondagi faoliyatim o'zim uchun yangi bosqich bo'ldi. Legioner sifatida o'ynash istagi bo'ldi, bosimni his qildim. 

Yana bir jihatga etibor qaratishni istardim. Men o'z xohishim bilan "Xo'jand"ni tark etdim. SHartnomamda shunday band bor edi, yarim mavsumdan keyin menga boshqa taklif bo'lsa, ketishim mumkin edi. O'zim rahbariyat va murabbiy oldiga kirib, vaziyatni tushuntirib, ketmoqchi ekanimni tushuntirdim.

Umuman olganda, Tojikistonda ham yaxshi futbolchilar bor. Lekin futboli kuchli emas. SHaroitlar ham o'rtacha. Masalan, "Istiqlol"dan tashqari, boshqa jamoalarning stadionlarida projektor muammo. O'yinlar 16:00 yoki 17:00da boshlanadi. Issiq havoda to'p tepishga to'g'ri keldi. Bizning Superligada o'yinlar 20:00da boshlanmoqda. Bundan tashqari, klublarning bazasi yo'q. Agar hamma klubida barcha imkoniyatlar bo'lsa, ularda futbol o'sadi.

Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика