Dinamo G'uzorda SHo'rtanni mag'lub etdi
24 fev 2021 14:41
Yangiliklar

Dinamo G'uzorda SHo'rtanni mag'lub etdi

Pro liga yangi mavsumiga tayyorgarlik ko'rayotgan Dinamo jamoasi Qashqadaryo viloyatining G'uzor tumanida SHo'rtan klubiga qarshi o'rtoqlik uchrashuvida maydonga tushdi.

Qiziqarli kechgan bahsda Hakim Fuzaylov jamoasi safarda Asror Aliqulov shogirdlari ustidan g'alaba qozondi. O'yinda hisob birinchi bo'limda Timur Hakimov tomonidan ochildi. Uning zarbasini raqib posboni qaytara olmadi.

Ikkinchi bo'limda esa zaxiradan maydonga tushgan samarqandlik yosh yarimhimoyachi Akmal Kozimov ikkinchi golni kiritgan bo'lsa, o'yin oxirida jamoamizning ukrainalik forvardi Mixaylo Udod 3-golga mualliflik qildi. Uchta golga javoban g'uzorliklar faqat bitta gol bilan javob bera olishdi – 1:3.

Qayd etish joiz, shu kuni «Dinamo» tarkibida samarqandlik himoyachi G'olib Sariboev maydonga tushdi. U o'tgan mavsumni «Turon» safida o'tkazgan edi.

«Dinamo» jamoasi bugun G'uzordan qaytib, ertadan tayyorgarlikni yana Samarqandda davom ettiradi.

24 fevral (chorshanba)
O'rtoqlik uchrashuvi. G'uzor.
«SHo'rtan» - «Dinamo» - 1:3
Gollar: - Timur Hakimov 27, Akmal Kozimov 68, Mixaylo Udod 90+1
«Dinamo»: Farhod Rahmatov, Dmitriy Sidorenko, Obid Jo'raboev, Jasur Hasanov, Komil SHarofutdinov, Oleg Marchuk, SHoxruh Abdurahmonov, Timur Hakimov, Jamshid Hasanov, Mixaylo Udod, Temur Usmonov.
Zaxiradan maydonga tushganlar: Dilshod Hamroev, Muhammadqodir Hamraliev, Islom SHaripov, Humoyun SHerbo'taev, Siroj Meliev, G'olib Sariboev, Islom SHaripov, Akmal Kozimov, Sardor Eminov.