Dilyaver Vaniev: "Klubning moliyaviy holatiga men javob bermayman"

Bugun qiyin ob-havo sharoitidagi qiyin o'yinni o'tkazdik. Bunday qorli maydonda o'ylagan rejalarni amalga oshirish og'ir. Nima ham deyishim mumkin? Bu maydonda ikkala jamoa ham o'ynadi. SHunga qaramasdan, yigitlarimiz qiyin sharoitda bo'lsa-da, oxirigacha kurashishga harakat qildi.

Albatta, bizning bugungi o'yin uchun rejalarimiz boshqacha edi. Ammo noqulay ob-havo sharoiti tufayli hammasi o'zgarib ketdi. Hozir gapirsam bahona bo'lib qoladi. Afsuski, oxirgi daqiqalarda himoyada yo'l qo'ygan xatoimiz qimmatga tushdi. Oddiy vaziyatdan gol o'tkazib yubordik.

Klubning moliyaviy holati haqida men javob bermayman. Buni mendan so'ramang. Ushbu o'yinga etib kela oldik. Mening ishim jamoani shug'ullantirish va o'yinga tayyorlash. Biz qo'ldan kelganicha ushbu bahsga tayyorgarlik ko'rdik.

Sardor Abduraimov nega zaxiradan maydonga tushdi? U mashg'ulotga qo'shilganiga hali ko'p bo'lmadi. Sardor bizning asosiy futbolchimiz. Bugun qaerdadir xato qilgandirmiz, hammasini ko'rib chiqamiz", - deydi Vaniev.