Dilyaver Vaniev: "Alamli mag'lubiyatga uchradik. Kurash so'nggi turga qadar davom etadi"

"O'yin bunday kechishini kutgandim. Turnir jadvalida ham jamoalar orasida farq katta emas. "Andijon"ni yutishimiz shart. Sabablariga kelsak, futbolchilarning holati ideal bo'lmagan bo'lishi mumkin. Raqib jamoaning qanday o'ynagani haqida gapirmoqchi emasman. Ularni shunday o'ynashini bilardik. Yigitlarga barchasi tushuntirilgandi. Alamli mag'lubiyatga uchradik. Kurash so'nggi turlargacha davom etadi. Mag'lubiyatni o'z bo'ynimga olaman",- deydi Dilyaver Vaniev.

- Aleksandr Xomyakovning zaxira o'rindig'ida yo'qligi qaysidir manoda tasir qildimi?

- Bosh murabbiyimiz betob edi. Aleksandr Andreevich bilan doim maslahatlashamiz. Mashg'ulotlar jarayonida kerakli tavsiyalarni oldik. Bugun yigitlarni o'zim tayyorlashga harakat qildim. 

- Ibe Okoroni zaxiraga olayotganingizda norozi ohangda maydonni tark etdi. Bunga munosabatingiz qanday?

- Buni sezganim yo'q. Hech qanday muammo yo'q. Taktik tomondan uni almashtirishga qaror qildik. Hammasi yaxshi.