Dilshod Rahmatov: "780 ming so'm maosh va mashg'ulotsiz o'yinga borish. Bu "xo'ja ko'rsin" uchun qilingan jamoa"
15 okt 2022 20:34
Yangiliklar

Dilshod Rahmatov: "780 ming so'm maosh va mashg'ulotsiz o'yinga borish. Bu "xo'ja ko'rsin" uchun qilingan jamoa"

O'zbekiston futzal terma jamoasi Quvaytda bo'lib o'tgan Osiyo chempionatida uchinchi o'rinni qo'lga kiritganidan xabaringiz bor.

Kecha saytimiz mehmoni bo'lgan terma jamoa etakchisi Dilshod Rahmatov O'FA tomonidan rag'batlantirish va futzaldagi maosh haqidagi savolimizga quyidagicha javob berdi.

"O'FA aniq bir summa aytilmagan. Lekin yaxshi bo'ladi, deyishgan. Birinchi bo'lib ishni qilib qo'yaylik, medal olaylik, deymiz.
Etakchi jamoalarda, "Jizzax-Kenteks", BMB, AGMKda maoshlari yaxshi, deb o'ylayman. "Oil Star" jamoasida ham vaziyat yaxshi. "Bunyodkor" futzalchilari ham maoshini olyapti. Qolganlarini bilmayman. Biroq pastdagi jamoalarning o'yinchilarining maoshlarini katta futbol bilan solishtirib bo'lmaydi. Futbol o'ynamayman, deydigan darajada. Eng kam maosh 2,5 million deb aytganimda, bir murabbiyimiz 780 ming so'm olishini aytgandi. SHundaylar ham bor. Mashg'ulot qanday qilasizlar mazmunda so'raganimda, to'g'ri o'yinga borilishini takidlagan edi. Bu "xo'ja ko'rsin" uchun qilingan jamoa",- deydi Dilshod Rahmatov.