Dilshod Nuraliev: "2014 yil "Paxtakor"da ishlayman"

"Paxtakor" klubi rahbariyati bilan og'zaki kelishuvga erishdik. Unga ko'ra har qanday holatda ham 2014 yilgi mavsumda shu klubda ishlayman. Men yoshlar jamoasi yoki birinchi ligadagi "Paxtakor"-2 klubida faoliyat olib boraman. O'zimga qolsa, birinchi ligadagi jamoaga ustozlik qilgan bo'lardim. Mustaqil ishlash baribir boshqacha.

25 dekabrdan o'quv-yig'inimiz boshlandi. Mashg'ulotlarda 30-35 nafar yosh futbolchilar "Paxtakor" stadioni yugurish yo'lakchasida shug'ullanishyapti. 4 yanvar kuni bu futbolchilar qaysi jamoada harakat qilishlari hal bo'ladi. Aynan shu kuni mening ham qaysi musobaqada ishtirok etadigan jamoaga murabbiy bo'lishmi malum bo'ladi", - deydi Dilshod Nuraliev "CA"ga bergan intervyusida.