Dilmurod Karimov: "So'g'diyona" bilan bir oila bo'lib faqat olg'a intilamiz!"
27 fev 2018 20:45
Yangiliklar

Dilmurod Karimov: "So'g'diyona" bilan bir oila bo'lib faqat olg'a intilamiz!"

Xabaringiz bor, bu yil yangicha formatda tashkil qilingan Super liga musoboqasida viloyatimiz bosh jamoasi “So'g'diyona” ham ishtirok etadi.

Superliganing ilk bahsida esa jizzaxliklar safarda “Paxtakor”ga qarshi bahs olib boradi. Ushbu mavsumda “So'g'diyona” sharafini himoya qiladigan tajribali Dilmurod Karimov mavsum oldi fikrlari bilan o'rtoqlashdi.

- Mavsumga tayyorgarlikni Toshkentda olib bordik. Yig'in davomida biz murabbiylar tomonidan aytilgan barcha ko'rsatmalarni bajardik. Yig'indan ko'nglim to'ldi. Jamoaga kelgan futbolchilar bilan tez inoq bo'lib ketdik. Har bir o'rtoqlik uchrashuvida maydonda bir birimizni tezroq o'rganishimiz uchun astoydil harakat qildik. Oldimizda maqsad jiddiy. Jamoa bilan bir oila bo'lib, faqat olg'a intilib, barcha jizzaxlik muhlislarni xursand qilmoqchimiz.

- “So'g'diyona” mavsumning ilk o'yinida safarda “Paxtakor”ga qarshi bahs olib boradi. Ushbu o'yinga jamoa qay darajada tayyor va siz futbolchi sifatida fikrlaringiz.

- Har doim ham mavsum boshlanishi qiyin bo'ladi. “Paxtakor” kuchli raqib. Lekin biz bor etiborimizni faqat g'alabaga qaratganmiz. Biz maydonga faqat g'alaba uchun tushamiz. Jamoa tayyormi? Albatta. Barcha futbolchilarning kayfiyati ko'tarinki va biz bu o'yinga jismonan va ruhan tayyormiz.

SHu o'rinda ,“Paxtakor” ga qarshi bahsda ko'plab jizzaxlik muhlislarni bevosita stadiondan turib bizni qo'llab-quvvatlashlarini so'rayman. Ushbu muhim o'yinda bizni qo'llab-quvaatlashingizga ishonamiz-deya takidlab o'tdi, - Dilmurod Karimov.