De Bryuyne: “Old Trafford”da har doim g'alabaga erishib, uyimizdagi uchrashuvlarda nega qiynalishimizni tushunmayman”

“O'ylashimcha, “Manchester Yunayted” bizga qarshi avvalgi o'yinlarga qaraganda biroz boshqacha o'ynadi. Ular pressing qilishga intilishdi va 1-taymni yaxshi o'tkazishdi. Biroq, 2-bo'limda biz ko'proq vaziyatlarga ega bo'ldik.

Imkoniyat tug'ilganda, men to'g'ri joyda bo'lishim zarur. “Old Trafford”da har doim g'alabaga erishib, uyimizdagi uchrashuvlarda nega qiynalishimizni tushunmayman. Bugun juda yaxshi o'ynadik va uch ochkoga loyiq edik.

CHempionlik poygasi esa har bir uchrashuvda g'alaba qozonishni o'z ichiga oladi. Kecha “Liverpul” zafar quchdi va biz to'g'ri javob qaytardik. Bazida kerakli natijaga erisha olmayapmiz, ammo har doim to'g'ri o'ynaymiz. CHempionlik uchun oxirigacha kurashamiz”, deydi derbida dubl+assist qayd etgan de Bryuyne.