Davron Fayziev: “SHoshilmaslik kerak”

“Bugun guvohi bo'lganingizdek maydonda deyarli tengkurash kechgan bo'lsada, o'z xatolarimiz evaziga mag'lubiyatga uchradik. Ayniqsa, tezkor gollar barcha rejalarimizni buzdi. Bu esa futbolchilarga o'z tasirini ko'rsatdi. Raqib jamoa so'nggi turda Toshkent va Qo'qonda muvaffaqiyatli to'p surgandi. “Qizilqum” ayni ko'tarilish jarayonida. Bunday paytda jamoa har qanday raqibni yanchishi mumkin. Ularning tarkibi mahorat va tajriba bobida bizdan ustun ekanligini ko'rinib qoldi.

SHunga qaramay, afsuski bu safar ham yaratilgan vaziyatlardan foydalanish bobida ancha oqsadik. Raqiblar esa har qanday xatomizdan juda unumli foydalanishmoqda.

Ikkinchi davrada tarkibimizni kuchaytirishni rejalashtirganman. Sababi, maqsadimiz uchun tarkibda o'zgarishlar qilinishi shart.

“Dinamo”da hali imkoniyat bor. Agar imkoniyat yo'q, men buni uddalay olmayman deb o'ylaganimda Samarqandga kelib “Dinamo”da ish boshlamasdim. Xulosa qilishga shoshilmaslik kerak. Jo'jani kuzda sanaymiz” – deydi “Dinamo” bosh murabbiyi Davron Fayziev.