Davron Fayziev: "Nasaf"ga qarshi himoyaga yotib olgan holda o'ynamadik"

- O'yin juda qiziqarli va hujumkor kechdi. Biz "Nasaf"ga qarshi himoyaga yotib olgan holda o'ynamadik. Bugungi o'yinni tariflab bo'lmaydi. Agarda bunday bo'lganida, unday bo'lganida deyish noo'rin. Agarda yaratilgan vaziyatlardan foydalana olganimizda hisob hokkeycha ko'rinish olardi. Biz "Nasaf"ga kutilmagan "sovg'a" tayyorlagandik. Biroq buni amalga oshirish qo'limizdan kelmadi. Har bir o'yinda ko'plab qulay vaziyatlarni vujudga keltirmoqdamiz. Biroq ulardan samarali foydalanishda oqsamoqdamiz. Biz grandlar bilan himoyaviy emas, ochiq futbol namoyish etmoqdamiz. Lekin bu safar ham rejalarimiz o'xshamadi, - deydi Fayziev.