Davron Fayziev: "Bugun bizga omad kulib boqdi"

- Avvalambor kecha bo'lib o'tgan ustozlar bayrami va yaqinlashib kelayotgan hayit bayrami munosabati bilan barchani tabriklayman. O'yinga keladigan bo'lsak, bugun omad biz tomonda bo'ldi deb o'ylayman. "Neftchi"ni qanday o'yin ko'rsatishini bilardik. SHu bois qisqa fursat ichida bu jamoaga qarshi shunga monand tayyorgarlik ko'rgandik. Futbolda ko'p narsa omadga bog'liq. Hozir har bir ochko biz uchun oltinga teng. Bugun oz miqdorda bo'lsa ham oldimizga qo'yilgan rejamizga erishdik. O'zinglar guvohi bo'ldinglar bahs juda ham qiziqarli va jangovor ruh ostida o'tdi. Ikkala jamoa ham g'oliblikka munosib edi. Bu  futbol. Unda har narsa bo'lishi mumkin, - deb gap boshladi Fayziev.

- Bugun jamoangiz ikki ochko yo'qotdimi yoki bir ochko ishladimi?
- Bu savolingizga hozir aniq bir nima deya olmayman. Buni mavsum yakuni ko'rsatadi. Agarda oliy ligada qolish uchun ochkolarimiz etarli bo'lsa bir ochko ishlagan bo'lamiz. Lekin biz Farg'onaga uch ochko olish maqsadida kelgandik. Agarda uchrashuv boshida yaratilgan vaziyatlarimizdan unumli foydalana olganimizda o'ylaymanki, hisob bundanda yirikroq ko'rinish olardi. CHunki "Neftchi" jamoasi ham istaysizmi yo'qmi baribir hujumga o'tardi.

-  Elitada qolish uchun kurashni davom  ettiramiz. Oldinda bizni qiyin o'yinlar kutib turibdi. Bugun "Buxoro" - "Qizilqum" o'yini qanday natija bilan yakunlanishini ham kutamiz.

- Durang men uchun syurpriz bo'ldi deya olmayman. CHunki bugun yutqazmasligimizga ishongandim. Buni yigitlarni o'yinga tayyorlash chog'ida ham uqtirgandim.
 
- Agarda etibor bergan bo'lsangiz oxirgi ikki yilda "Neftchi"ga yutqazmayapmiz. Men boshchiligimda bu jamoaga qarshi 6ta o'yin o'tkazgan bo'lsak, yutqazmadik. Esimni taniganimdan beri, "So'g'diyona" Farg'onadan oldin g'alaba yoki durang bilan qaytmagandi. Albatta bu men uchun ijobiy natijadir.

- "Neftchi"ni o'yiniga, umuman, raqib jamoalar o'yiniga baho bera olmayman. Negaki bu erda ham murabbiylar ishlamoqda. Men faqat o'z jamoam haqida gapirishim mumkin, - deydi Davron Oripovich.


Islombek Rustambekov yozib oldi