David de Xea: "Valdesning jarohati menga JCH-2014 yo'lini ochishi mumkin" (Intervyu)

David, Ispaniya terma jamoasi safida jahon chempionatiga yo'l olish uchun o'z imkoniyatlaringni qaday baholaysan?

Bilasiz, Viktor Valdes jarohat oldi. Men avvalo unga tezroq sog'ayib ketishini tilayman. Hech kimga bunday ahvolga tushishni tilamayman. Ayniqsa Viktorga. Bu daxshatli holat. Biroq tushunib turibmanki, bu hodisa menga Jahon CHempionati yo'llanmasini tortiq qilishi ham mumkin. 

Bevosita maydonni o'zidan turib ko'rgan gollaring reytingida Ueyn Runining “Vest Xem” darvozasiga kiritgan golini nechanchi o'ringa qo'ygan bo'larding?



Bu – shubhasiz, men darvozadan turib tomosha qilgan gollarim ichida eng noodatiy va fantastik gollardan biridir. Bunday zarbani amalga oshirish juda qiyin. CHunki to'p havoda edi, Ueyn esa maydon markazida turgandi. Bunday masofadan to'pni to'g'ri darvozaga yo'lla – aql bovar qilmaydigan ish va buning uchun katta mahorat kerak.

Nima deb o'ylaysan, ushbu mavsum yakunlariga ko'ra jamoaning eng yaxshi futbolchisi deb topilarmikansan?

Bu savolga nimadir deb aniq javob bera olmayman. Buni muxlislar ovoz berish yo'li bilan hal qilishadi. To'g'risini aytganda, bu haqda ko'p ham o'ylayotganim yo'q. Men shunchaki doimo yaxshiroq o'yin namoyish etishga urunaman. Mavsumni yaxshi o'tkazish va hamma ishimni to'g'ri amalga oshirishga harakat qilaman. Bu mavsumda yaxshi o'yin ko'rsatgan bir necha futbolchilar bor jamoada.

SHuningdek, mavsumning ayrim qimlarini ko'tarinki ruxda o'tkazgan yigitlar ham bor. SHundoq ekan, nomzodlar etarlicha bo'ladi bu ehtirof uchun va birini tanlash oson bo'lmaydi.



Mashg'ulotlarda qaysi futbolchiga qarshi o'ynash qiyin?

“Yunayted”da yuqori saviyali futbolchilar yig'ilgan. Ular meni ham yuqori saviyada ushlab turishadi mashg'ulotlardagi harakatlari bilan. Bu o'sishimga ham katta yordam beryapti. CHicharito mashg'ulotlar paytida juda ko'p gollar uradi. Runi ham. Lekin bu faqat mening foydamga.


Abror Qodirov tayyorladi