Клуб раҳбари учрашув бош ҳаками Клеман Тюрпен ҳақидаги саволга ҳазил билан жавоб қайтарди.
Журналистлар ва Сересо ўртасидаги суҳбат қуйидагича кўриниш олди:
— Тюрпеннинг тайинлангани сизни хавотирга солмаяптими?
— У бугун ўйнайдими?
— Бу ҳакам-ку.
— А, ҳакамми. Ростини айтсам, бизнинг ўйинни ким бошқариши ҳақида умуман маълумотга эга эмасман, — деди Сересо.
Эслатиб ўтамиз, «Атлетико» ва «Барселона» жамоалари ўртасидаги ЕЧЛ 1/4 финал жавоб учрашуви бугун тунда Мадридда бўлиб ўтади. Биринчи баҳсда «матрасчилар» 2:0 ҳисобида ғалаба қозонишган эди. Диего Симеоне шогирдлари ўз уйларида ушбу устунликни сақлаб қолишга ҳаракат қилишади. Учрашув Тошкент вақти билан соат 00:00 да старт олади.
