Coca Cola Superligasi-2022. Hakam tomonidan eng ko'p "siylangan" futbolchilar

Mavsum davomida hakam tomonidan eng ko'p chetlatilgan futbolchi AGMK himoyachisi Sardor Rahmonov bo'ldi. 28 yoshli o'yinchi uch bora qizil kartochka bilan jazolangan, shulardan bittasi ikkinchi sariq kartochka oqibatida yuzaga kelgan. Qiziq tomoni, qolgan ikki to'g'ridan-to'g'ri qizil kartochka "Metallurg"ga qarshi o'yinlarga to'g'ri kelgan va har ikkalasida ham bekobodliklar 1:0 hisobida g'alaba qozongan.

"So'g'diyona" o'yinchisi Luka CHermel 6 bor sariq kartochka olgan hamda ikkinchi sariq kartochkalar tufayli ikki bahsda chetlatilgan.  

"Lokomotiv"ning sobiq futbolchisi Kaxi Maxaradze band etdi. Gruziyalik legioner 2 ta qizil va shuncha sariq kartochka ishlab olgan. 

Faqatgina sariq kartochka bilan cheklanganlar orasida esa "Qo'qon-1912" futbolchisi Oybek Rustamov peshqadam bo'ldi, uning hisobida 10 ta ogohlantirish mavjud. "So'g'diyona" azosi Sardor Qulmatov 9 bor sariq qog'oz bilan "mukofotlangan" bo'lsa, "Surxon" o'yinchisi Javohir Sohibov 8 bor maydonni libosi rangidagi kartochkasiz tark etmagan. Qolaversa, "Dinamo" yarim himoyachisi Erkin Boydullaev ham 8 ta sariq hamda 1 ta qizil kartochka bilan jazolangan.