"Coca Cola" Superliga 1-turini jamoalar qanday rangdagi liboslarda o'tkazishadi?
05 mar 2019 23:50
Yangiliklar
![](https://championat.asia/upload/storage/481109_original.jpg)
![](/upload/storage/481109_220.jpg)
"Coca Cola" Superliga 1-turini jamoalar qanday rangdagi liboslarda o'tkazishadi?
Coca Cola Superliga nomi ostida o'tadigan 2019 yilgi mavsumidan boshlab, har bir tur uchrashuvlarida jamoalarning qanday rangdagi libosda maydonga chiqishlari Professional futbol ligasi tomonidan belgilab beriladi. Bunda mezbon jamoaning o'z maydonida muxlislari qarshisida to'p surishi inobatga olinib, birinchi galda mezbon klubning asosiy rangidagi libosda harakat qilishi ahamiyat kasb etadi.
SHu boisdan har bir klub yangi mavsum uchun uy va safar liboslarini bir-biridan keskin farq qiladigan tarzda tanlashlariga urg'u berildi.
1-turning dastlabki kunida 2 ta uchrashuv bo'lib o'tadi.
1-tur / 8 mart, juma
17:00 "Qizilqum" — "Andijon"
19:00 "Paxtakor"— "Lokomotiv"
“Qizilqum” Navoiyda “Andijon”ni qabul qiladi. Mazkur o'yinda navoiylik futbolchilar qizil-qizil-qizil rangdagi liboslarda harakat qilishadi. Mehmonlar esa oq-oq-oq rangdagi formada maydonga chiqishadi.
Turning markaziy bellashuvida “Paxtakor” o'z maydonida “Lokomotiv”ga qarshi bahs olib boradi. “SHerlar” uchrashuvni sariq- to'q ko'k rangdagi futbolka, to'q ko'k shorti va to'q ko'k getrilarda o'tkazishadi. “Temiryo'lchilar” jamoasi azolari esa maydonga to'liq qizil rangli liboslarda chiqib kelishadi.
O’xshash yangiliklar
![AMP Logo](https://championat.asia/image/logo-amp.png)
Fikrlar