"CHoy ustida" mehmoni Aziz Haydarovning intervyusi

- Yangi stadionlar barpo etilyapti, "Bunyodkor" stadioniga nima deysiz?
- Bizda futbolga jiddiy etibor qaratilyapti. Livan bilan o'yinni shu stadionda qabul qildik. Afsus bu o'yinda 5ta gol ura olmadik. Muxlislarga ham bu stadion manzur bo'ldi. Birinchi o'yinda ko'proq ular stadionni ko'rgani keldilar (kuladi).

- JCH armon bo'lib qolmadimi?
- Har bitta muxlis bizni tushunishni istardik. Har bitta futbolchi, ertaga huddi shu muxlis kabi muxlis bo'ladi. JCH biz uchun orzu bo'lib qolmasligi uchun oxirigacha kurashamiz. Agar bu ishni uddalay olsak, bu bizni shaxsiy tariximizga yoziladigan narsa. Geynrix, Kopadze va Baqoevlar hammada ham ko'ra JCHga chiqishni istashdi. Meni ham yoshim o'tib boryapti. Ko'nglimizdan nima o'tganini o'zimiz bilamiz. 14 ochko to'plab JCHga chiqa olmadik, buni tushuntirib bera olmayman.

- Buni chigallashtirib yuborgan nuqta nima bo'ldi?
- Eron bilan uyimizda bo'lib o'tgan o'yindagi mag'lubiyat!

- Livan bilan o'yinda futbolchilar xohlamasdan maydonga tushdilar degan gaplar chiqdi?
- Biz Abramov bilan 5 yil ishladik. Unga shu qadar o'rganib qoldikki, ketganidan keyin hamma har xil holatga tushib qoldi. Nechta o'yinchi bo'lsa, hammasi har xil holatda qoldi. Unga nisbatan biz, murabbiy va ota sifatida qarardik. Futbolda shunday narsa bor, murabbiy ko'p almashadi. Buni biz yaxshi bilamiz. SHuning uchun professional futbolchilar murabbiyni kimligiga qarab emas, manfat yo'lida o'ynashi kerak. Bizni manfatimiz JCH edi va hamma futbolchilar murabbiy almashganini tezda qabul qildik. Livan bilan o'yindagi yo'qotilgan ochko qimmatga tushdi. Guvohi bo'ldingiz, biz uchun 1 ochko ham juda katta rol o'ynadi. Yodingizda bo'lsa, JARda Eron bilan o'ynadik. Asosiy tarkibni 5 nafar azosi yo'q edi. O'sha kuni zaxira va asosiy tarkibdan o'rin olgan futbolchilarni hozirda yarmi yo'q! Yoki Yaponiya bilan o'yinni olaylik, u erda shunday erkin o'ynadikki, shu kuni biz 3-0 ham yutishimiz mumkin edi. Abramov o'zbek futboli uchun juda zo'r havo olib kirdi. Ayni paytda MTJga chetdan mashhur murabbiyni olib kelishdan naf yo'q deb o'ylayman. Mirjalol aka Qosimovga esa oxirgacha imkoniyat berish lozim. Vadim Abramovga esa qandaydir yoshlar terma jamoalaridan birini berish kerak. Abramov ikkita olimpia terma jamoasini boshqardi va undan ko'plab futbolchilarni kashf qildi. Menimcha klublarimizni moddiy texnik bazasi boy bo'lishi kerak. Hamma klubni o'z internati bo'lishi lozim. O'zimdan kelib chiqaylik, yoshligimda juda ham kam pul topardim, do'stlarim kelib, yur ketdik boshqa erda kattaroq pul topamiz degan takliflarni berishar edi. Bunday o'yinchilar qancha? 1-2 ligalarda ularni soni ko'p. Agar ular o'z klublarida oxirigacha tarbiyalansalar muvaffaqiyatimiz oshardi.

- O'zbekiston chempionatini kuzatib turibsizmi?
- Albatta. Internetda doimiy kuzataman. O'zbek futboli kuchayishi uchun halol futbolni olib kirish kerak. SHunda oliy ligamiz 50% kuchaygan bo'lardi. Ayni paytda legioner ekanligimdan xursandman. O'zbekistonda 4tagina jamoa top darajada. BAAda 75 foiz futbolchilar professionaldirlar.