"CHelsi" "Inter" futbolchisini nishonga oldi

"CHelsi" "Inter" himoyachisi Denzel Dyumfrisga qiziqish bildirmoqda.

Xabarlarga ko'ra, London klubi niderlandiyalik futbolchi uchun 40 million evro taklif qilgan, biroq "Inter" o'z futbolchisi uchun 50 million evro so'ragan.

Dyumfriesning Milan klubi bilan bitimi 2025 yilning 30 iyuniga qadar amal qiladi. Nufuzli Transfermarkt portali niderlandiyalik o'yinchini 25 million evroga baholamoqda.

Dyumfris joriy mavsum A Seriyada "Inter" safida 7 ta o'yinda maydonga tushib, 1 ta gol urdi va 1 ta golli uzatmani amalga oshirdi.