“Buxoro” – “So'g'diyona” hamda “Dinamo” – “Qo'qon-1912” uchrashuvlaridagi hakamlik bo'yicha inspektor xulosasi

Uchrashuvning 19-daqiqasida 2-yordamchi hakam Ruslan Serazitdinov “Buxoro” urgan golni ofsayddan kiritilgan, deya hisobladi va natijada gol inobatga olinmadi.

Ushbu vaziyatda mezbonlarning 9-raqamli futbolchisi Aleksandr Kasyan o'yindan tashqari holatda bo'lmagani, qanot hamda VAR hakamlari holatga noto'g'ri baho bergani malum bo'ldi. SHu tufayli, uchala arbitrga o'yin uchun belgilangan maoshning 25 foizi miqdorida jarima jazosi qo'llanildi.

SHuningdek, Pro Liga 9-turidan o'rin olgan “Dinamo” hamda “Qo'qon-1912” jamoalari o'rtasidagi uchrashuvning 70 va 90-daqiqalarida o'yindan tashqari holatda 2 ta gol urildi. Ahamiyatli jihati, qanot hakami Bektursin Kannazarov bu vaziyatda ofsayd qayd etmadi va golni inobatga oldi. Natijada, ushbu arbitrga nisbatan o'yin uchun belgilangan maoshning 25 foizi miqdorida jarima hamda Superliga va Pro Liganing 3 ta uchrashuvidan chetlatish jazolari qo'llanildi.