"Buxoro" "karvonsaroy"mi?

Ayni paytda O'zbekistonning 2 klubiga FIFA tomonidan transfer taqiqi qo'yilgan. "Nasaf"ning muammolariga bir necha kun oldin to'xtalgandik. Endi esa Buxoro viloyatining bosh jamoasi haqida...

Bu jamoaga nisbatan ayni paytda faqat bitta sifatni ishlatish mumkin — qo'nimsizlik. Xo'sh, nega?

Diqqat qiling, "Buxoro" klubida ishlagan direktorlar ro'yxati:

1. Alisher Rustamovning o'rnini Jamol Alimov egalladi (2021 yil yanvar);

2. Jamol Alimovning o'rnini Usmon Toshev egalladi (2021 yil 10 may);

3. Usmon Toshevning o'rnini Farruh Xamraev egalladi (2021 yil 9 iyul);

4. Farruh Xamraevning o'rnini O'tkir Qodirov egalladi (2021 yil noyabr oyida).

Bu o'zgarishlarning barchasi 365  kun ichida bo'ldi va har gal yangi rahbar ishni eskisining qarorlarini bekor qilish bilan boshladi. Misol uchun, Usmon Qudratovich kelib nafaqat jamoa xodimlarini, uning nomini ham o'zgartirishga harakat qildi ("Nurafshon"ga). Keyingi rahbar esa ishni klubning oldingi nomiga qaytish bilan boshladi. Tizimdagi beqarorlik, albatta, jamoaning natijalariga ham salbiy tasir qiladi. Ammo foydali o'zgarishlar, masalan, 2019 yilning dekabridan beri o'yin o'tkazilmagan asosiy stadionga qaytishni hech kim eplolmadi.

2021 yilda "Buxoro" (yoki "Nurafshon") klubida ishlagan murabbiylar ro'yxati: Jamshid Saidov (18 martda shartnoma bekor qilindi), Davron Fayziev, Anvar Berdiev, Mirislom Hasanov, Usmon Toshev, Hakim Fuzaylov (18 dekabrdan). 

❗️12 oyda 6 murabbiy. SHu o'rinda savol tug'iladi: "Buxoro" — professonal futbol klubimi yoki barchaga ochiq karvonsaroymi?

"Buxoro"ning minglab muxlislari bor. Jamoaning muvaffaqiyatsizliklari kadrlarning tinimsiz almashinuvi bilan bog'liq. Bu beqarorlikning sababini kimdir ishqibozlarga tushuntirib bera oladimi?

G'alati dunyo (Bubanyaning g'aroyib hikoyasi)