"Buxoro" ikki transferni amalga oshirdi

Gap Humoyunmirzo Iminov hamda Abbos Otaxonov haqida bormoqda.

"O'tgan mavsumning ikkinchi davradasidan jamoa safiga qo'shilgan "Paxtakor" tarbiyalanuvchisi bo'lmish Humoyunmirzo Iminov yangi mavsumni "Buxoro" jamoasida o'tkazadi. Mahoratli yarim himoyachi o'tgan mavsum 12 ta uchrashuvda maydonga tushib, 2 ta gol urishga muvaffaq bo'ldi va albatta o'yin uslubi bilan muxlislar qalbidan joy oldi.

SHuningdek, "Buxoro" tajribali himoyachi Abbos Otaxonov bilan ham shartnoma imzoladi. O'tgan mavsum "Metallurg" safida to'p tepgan Otaxonov jami 15 ta uchrashuvda ishtirok etib, 1 ta gol urishga erishdi", – deyiladi jamoa matbuot xizmati bergan xabarda.

Eslatib o'tamiz, "Buxoro" kecha Toshkentda yig'inga kirishgan edi.