“Buxoro” bosh murabbiy masalasini qachon hal qiladi?
01 mar 2021 10:50
Yangiliklar
![](https://championat.asia/upload/storage/622702_original.jpg)
![](/upload/storage/622702_220.jpg)
“Buxoro” bosh murabbiy masalasini qachon hal qiladi?
Yo'q, Davron Fayziev hamon bosh murabbiy sifatida amalda ishlab kelmoqda. Lekin jamoa ichida bosh murabbiy masalasi bo'yicha muammo hanuzgacha ochiqligicha qolmoqda. Gap shundaki, “Buxoro” jamoasida rahbariyat o'zgargach, bosh murabbiylik postiga Davron Fayziev taklif etildi. O'tgan yili “Qo'qon-1912”da yordam murabbiy sifatida faoliyat yuritib kelgan jizzaxlik murabbiy bu yil o'zini yana bosh murabbiy sifatida ko'rishni istab, “Buxoro”dan tushgan taklifga darhol labbay deya javob berdida, ishga kirishib ketdi. Vaholanki, o'tgan yili jamoani yarim mavsum boshqargan Jamshid Saidovning “Buxoro” bilan amalda ikki yillik shartnomasi mavjud edi. Jamoaning yangi xo'jayinlari esa Saidov bilan hamkorlikni to'xtatish maqsadida amaldagi shartnomani bir tomonlama bekor qilib, Fayzievni bosh murabbiy sifatida keng ommaga rasman tanishtirib ishlashiga sharoit yaratib berdi.
SHundan so'ng Jamshid Saidov bu borada O'FA futbolchilar maqomi va o'tishi bo'yicha qo'mitaga shikoyat qilgan.
Malum bo'lishicha, Jamshid Saidov bilan mehnat shartnomasining bir tomonlama bekor qilinishi amaldagi mehnat qonunchiligi va reglament talablariga zid ravishda amalga oshirilgan, deb topilgan. SHundan kelib chiqib, qo'mita o'z vakolati doirasida bosh murabbiyni ishga qayta tiklash bo'yicha “Buxoro” klubiga tavsiya berdi.
SHunga qaramay “Buxoro” jamoasi rahbariyati bu masalani hanuzgacha hal etmasdan kelmoqda.
Malumot uchun, Jamshid Saidovning shartnomasi 2022 yilgi mavsum so'ngiga qadar amal qilishi kerak edi. “Buxoro” esa shartnoma shartlariga zid ravishda, bosh murabbiyni ishdan oldi. Agar klub Saidovni ishga tiklamasa, uning 2022 yil 31 dekabr kuniga qadar bo'lgan maoshlarini to'liq to'lab berishi kerak bo'ladi.
Championat.asia'ga malum bo'lishicha, “Buxoro” rahbariyati Jamshid Saidovni shartnomasi borligi tufayli klub tizimida olib qolgan xolda, boshqa lavozimda ishlatmoqchi. Biroq, murabbiy ularning bu shartiga rozilik bermayapti. Jamshid Jalolovichning oldida ikkita yo'l bor, yoki bosh murabbiy bo'lish yoki shartnomada ko'rsatilgan ikki yillik oylik maoshini klubdan undirish. Voqealar rivojini kuzatamiz.
O’xshash yangiliklar
![AMP Logo](https://championat.asia/image/logo-amp.png)
Fikrlar