“Bunyodkor”ning O'zbekiston kubogi-2013dagi statistikasi

Hal qiluvchi bahsda Qarshining “Nasaf” va Toshkentning “Bunyodkor” jamoalari kuch sinashishib, unda “qaldirg'ochlar” Oleksandr Pishurning dubli evaziga g'alaba qozondi.

“Bunyodkor” jamoasi 2013 yilgi mamlakat kubogi doirasida jami beshta uchrashuv o'tkazdi. CHorak finaldan bahslarga qo'shilgan jamoamiz ushbu bosqichda birinchi liga peshqadami “Mashal” jamoasini ikki uchrashuv natijasiga ko'ra ortda qoldirdi – Toshkentda 1:1, Muborakda 2:0. Yarim finalda esa Toshkent temiryo'lchilari bilan juda og'ir o'yin o'tdi. “Jar”da 2:2 hisobidagi jangavor durang qayd etgan “qaldirg'ochlar” raqib maydonida Pishurning uzoq masofalardan kiritgan ikki goli evaziga g'alaba qozondi – 2:0.

Yuqoridagi barcha uchrashuvlarda to'liq harakat qilish ikki nafar futbolchimizga nasib etdi. Bular – Akmal SHorahmedov va Xayrulla Karimov. SHuningdek, Oleksandr Pishur, Lutfulla To'raev va Javlon Ibroximov garchi to'liq bo'lmasa-da, hamma o'yinlarda maydonga tushishgan.

Oleksandr Pishur raqiblari darvozasini jami besh bor ishg'ol qilib, klubning kubok doirasidagi eng yaxshi to'purari bo'ldi.

Quyidagi jadvalda “Bunyodkor”ning O'zbekiston kubogi-2013dagi statistikasi bilan tanishishingiz mumkin.