"Bunyodkor"ning OCHLdagi eng yomon starti yoxud bugungi o'yinga oid faktlar

Quyida ushbu o'yinga taaluqli faktlarni keltirib o'tamiz.

"LAXVIYA"
- "Laxviya" bungacha o'z maydonida o'zbek klublariga qarshi faqat bir marta o'ynagan. Jamoa 2013 yilgi OCHLda "Paxtakor"ni 3:1 hisobida mag'lub etgan .

- Safarda "Bunyodkor" ustidan qo'lga kiritilgan 1:0 hisobidagi g'alaba "Laxviya"ning bu yilgi OCHLdagi dastlabki uch ochkosi bo'ldi.

- Avvalgi o'yinda "Bunyodkor" darvozasiga to'p kiritgan Nam Tae Xi OCHLdagi gollari sonini to'rttaga etkazib oldi.

- Sebastian Kuintana jarohatini davolab yana safga qaytdi va bugungi bellashuvda ishtirok etishi mumkin.

"BUNYODKOR"
- "Bunyodkor" OCHLda ishtirok etishni boshlaganidan beri bu yil eng yomon startni qayd etdi. Jamoa dastlabki uch o'yinda atigi bitta gol urib, bir ochkoni qo'lga kiritdi.

- "Bunyodkor" o'z maydonidagi o'yinlarda bir xil 0:1 hisobida yutqazib qo'ydi. Va har ikkala gol ham penaltidan kiritildi.

- "Bunyodkor" bungacha Qatarda bir marta to'p tepgan bo'lib, jamoa o'tgan yilning aprel oyida "Al Jayish"ni 2:1 hisobida mag'lub etgan.

- SHaker Zuagi, Javlon Ibrohimov, Sato Minori va Akrom Komilov hisobida bittadan sariq kartochka bor. Bu o'yinchilardan kimdir yana ogohlantirish oladigan bo'lsa, navbatdagi bahsni o'tkazib yuboradi.