"Bunyodkor": Yosh futbolchilar festivali boshlandi

Yosh “qaldirg'ochlar” bu erda tashkil etilgan “Osiyo yoshlar futbol festivali”da ishtirok etishmoqda. Festivalning asosiy maqsadi – qitadosh bolakaylarni yanada yaqinlashtirish, ular o'rtasida do'stlik rishtalarini o'rnatish, turli mamlakatlar futbol aloqalarini o'rnatishdan iborat. Tadbir davomida o'rtoqlik o'yinlari o'tkazish ham rejalashtirilgan.

Bugun jamoa myanmalik tengqurlari bilan o'zaro kuch sinashishdi. 30 daqiqalik 2 bo'limdan iborat uchrashuvda yosh “qaldirg'ochlar” 8:2 hisobida ustun kelishdi. Otabek Jo'raqo'ziev 3 bor, Jaloliddin Sodiqov 2 bor to'p kiritishga muvaffaq bo'lishdi. Ayubxon Umarxo'jaev, Abdurauf Bo'riev, Diyorbek Rahimqulovlar bittadan golga mualliflik qilishdi. Festival davom etmoqda.