"Bunyodkor" Turkiyadagi yig'inga 17 yoshga to'lmagan ikki futbolchini olib ketdi. "Qaldirg'ochlar" ertaga Bolgariya klubi bilan o'ynaydi

Raqib sifatida Bolgariyaning “Dobrudzha Dobrich” jamoasi tanlangan. Bosh murabbiy Ivan Bubalo yanvar oyida Toshkentdagi mashg'ulotlarda deyarli 40 nafar futbolchini ko'zdan kechirdi. Antaliya yig'iniga 27 nafar o'yinchi olib ketildi. Ularning orasida hali 17 yoshni qarshilab ulgurmagan o'smirlar ham bor. Bular - Orzubek Turg'unov va Azizbek To'lqinbekov. Ahamiyatlisi, ularning har ikkisi ham kuni kecha Vengriyaning “Xaladash” jamoasiga qarshi o'tkazilgan nazorat uchrashuvida asosiy tarkibda maydonga tushdi. SHuningdek, 18 yoshli Ollobergan Karimov, 19 yoshli Narimonjon Ahmadjonov ham asosiy tarkib bilan Turkiyaga yig'iniga jo'nab ketgan va mashg'ulotlarda astoydil mehnat qilmoqda.

Yoshlarning ishtiyoqini tajriba bilan uyg'unlashtirishni maqsad qilgan Ivan Bubalo boshchiligidagi murabbiylar shtabi tarkibni shakllantirishda tarbiyalanuvchilarga alohida etibor qaratgan.

"Bunyodkor"ning Antaliya yig'inida ishtirok etayotgan futbolchilar ro'yxati: Sarvar Karimov, Jasur Umrzoqov, Bilol Tupliev, Tohirbek To'xtasinov, Ollobergan Karimov, Muzaffar Olimjonov, Rustamxon Azimov, Suhrob Izzatov, Rasul Yo'ldoshev, Abdufattoh Foziljonov, Orzubek Turg'unov, Farhod O'tkirov, Usmonali Ismonaliev, Amir To'raqulov, Azizbek To'lqinbekov, Umidbek Sultonov, Andrey Gulyamov, Najmiddin Normurodov, Samir Jelkovich, Marin Lyubich, Toni Yovich, Freyn CHiryak, Momchilo Raso, Narimonjon Ahmadjonov, Temurxo'ja Abduxoliqov, Mirjahon Mirahmadov.