“Bunyodkor” o'smirlari xalqaro turnir g'olibi!

Otabek G'ulomxo'jaev boshchiligidagi “Bunyodkor” futbol maktabining 2000 yilda tavallud topgan jamoasi finalda mezbonlar, Tarazning “Montajnik” klubini 1:0 hisobida engdi va bosh sovrinni qo'lga kiritdi. SHunisi quvonchliki, shaxsiy sovrinlarning ham ko'pchiligi yosh “qaldirg'ochlar”ga nasib etdi. “Eng yaxshi darvozabon” sovrini Jasur Umrzoqovga, “Eng yaxshi himoyachi” – Ixtiyor Xoldorovga, “Eng yaxshi to'purar” Abdunozir Abdurahmonovga topshirildi. Abdunozir turnirda 7 bor raqiblar darvozasini ishg'ol qilishga muvaffaq bo'ldi.

Musobaqaning so'nggi kunida quyidagi natijalar qayd etildi va barcha o'rin sohiblari malum bo'ldi:

7-o'rin uchun: “Sparta” (Tomsk) – 5-BO'SM (Taraz) – 6:2.
5-o'rin uchun: Toshkent terma jamoasi – “Abdish-Ota” (Kant) – 2:1.
3-o'rin uchun: “Rotor” (Volgograd) – “Ural” (Ekaterinburg) – 6:0.
Final: “Bunyodkor” (Toshkent) – “Montajnik” (Taraz) – 1:0.

O'smirlarimiz va ularning ota-onalarini ajoyib muvaffaqiyat bilan muborakbod etamiz!