"Bunyodkor" ikki nafar legioner bilan xayrlashdi

Mavsumning dastlabki qismida "qaldirg'ochlar" sharafini himoya qilgan xorvatiyalik hujumchi Toni Yovich va bosniyalik himoyachi Samir Zelkovich klub bilan xayrlashdi. Ular ikkinchi davrada faoliyatini boshqa jamoada davom ettiradi. Bundan tashqari legionerga aylangan Amirbek Saidov bilan ham shartnoma bekor qilindi. 

Malumot uchun, Yovich Superligada 12 ta o'yinda maydonga tushdi va birorta gol urmadi. O'zbekiston kubogida esa 3 ta bahsda 1 ta gol, 1 ta assist qayd etdi. Zelkovich esa 8 ta o'yinda 1 ta gol muallifiga aylandi. Uning keyingi jamoasi Serbiya Birinchi ligasi vakili "Radnichki Krag" bo'ladi.