Bunyodkor akademiyasi ikki yulduzli akademiya maqomini oldi

Tanishuvdan asosiy maqsad akademiya ikki yulduzli maqomga loyiq ekanligini ko'zdan kechirish edi. Kuni kecha ishchi guruhga rahbarlik qilgan Laslo Salai OFK «Bunyodkor» futbol akademiyasidagi yaratilgan sharoitlar akademiyaga ikki yulduzli maqomni berishga loyiq ekanligini tasdiqlanganini malum qildi. Malum bo'lishicha, OFK «Bunyodkor» akademiyasiga ikki yulduzli maqom berish bo'yicha rasmiy hujjatni shu yilning fevral oyida topshirishni mo'ljallamoqda

Malumot o'rnida aytish kerak, akademiyalar bo'yicha eng yuqori maqom uch yulduzli hisoblanadi. Qatardagi «Espayr» futbol akademiyasi Osiyoda uch yulduz olgan akademiyalar qatoriga kiradi. Evropada «Portu», «Ayaks», «Barselona» futbol akademiyalari uch yulduz maqomini olgan.

Yaponiyaning «Fukishima», Janubiy Koreyaning «Seul» jamoalarining akademiyalari Osiyodagi ikki yulduzli akademiyalardir. SHuni alohida takidlash lozimki, «Bunyodkor» akademiyasi nafaqat O'zbekistonda, balki Markaziy Osiyoda ikki yulduzli maqomini olgan ilk akademiyadir.

Aytish kerakki, bu maqom klub va akademiyada faoliyat yuritayotgan insonlarning mehnatiga berilgan asl bahodir. Ikki yulduzli akademiya maqomini olgan «Bunyodkor» futbol akademiyasi bundan keyin ham o'zbek futboliga yulduzlarni etishtirib berishda davom etadi.