"Bunyodkor-2003" xalqaro turnir sovrindori, Umidbek esa eng yaxshi futbolchi
29 okt 2019 14:01
Yangiliklar
![](https://championat.asia/upload/storage/526174_original.jpg)
![](/upload/storage/526174_220.jpg)
"Bunyodkor-2003" xalqaro turnir sovrindori, Umidbek esa eng yaxshi futbolchi
Ilk bor uyushtirilgan musobaqaning dastlabki bosqichida Rossiya, Belarus, O'zbekiston, Tojikiston, Qozog'iston, Xitoy, Suriya va Livan davlatlarining 16ta jamoasi to'rt guruhda bahs yuritdi.
Toshkent shahrining “Bunyodkor” futbol klubi akademiyasining “Bunyodkor-2003” jamoasi azolari “S” guruhida maydonga tushib, dastlab Rossiyaning “Rostov” futbol klubidagi tengdoshlarini 2:0 hisobida mag'lubiyatga uchratishdi. Ikkinchi uchrashuvda “Rotor” jamoasi 1:0 hisobida dog'da qoldirildi. Nihoyat, guruhning so'ngi uchrashuvida yosh futbolchilarimizLeningrad viloyati Gatchina shahriningSM “Leningradec” jamoasini yirik, 5:0 hisobida engishdi.
Vakillarimiz yarim finalda Qozog'istonning “Qayrat” jamoasi bilan ro'baro' kelishdi. Asosiy vaqtda 1:1 hisobida qayd etildi. Faqat penaltidan to'p tepish borasida futbolchilarimizga biroz omad etishmadi, 6:7. Natijada, “Bunyodkor-2003” xalqaro turnirning bronza medalini qo'lga kiritdi.
Finalda Belarusning RGUOR jamoasi “Qayrat”ni engib, musobaqa g'olibi bo'ldi. Qozog'istonlik futbolchilar ikkinchi o'ringa joylashdilar. Yana bir uchinchi o'rin “Orzu – 2026”(Tojikiston) jamoasiga nasib etdi.
Quvonarlisi yana shundaki, “Eurasiancup”ning yopilish marosimida turnirning “Eng yaxshi futbolchisi”ga atalgan sovrin “Bunyodkor-2003”ning umidli futbolchisi Umidbek Sultonovga topshirildi. Mubolag'a emas, mazkur etirof nafaqat uning, balki jamoaning barcha futbolchilari mahoratiga berilgan yuksak baho bo'ldi.
O’xshash yangiliklar
![AMP Logo](https://championat.asia/image/logo-amp.png)
Fikrlar