Bundesliga. "Bavariya" bugun o'z maydonida "burgutlar"ni qabul qiladi (prevyu)
23 may 2020 16:57
Yangiliklar
Bundesliga. "Bavariya" bugun o'z maydonida "burgutlar"ni qabul qiladi (prevyu)
"Bavariya" Xansi Flik boshchiligida g'alabalar foizini o'stirib, katta maqsad yo'lida odimlab bormoqda. Hozir ayni o'ch olish vaqti, chunki raqib - birinchi davrada "Bavariya"ni to'rtta to'p farqi bilan 5:1 hisobida taslim qilgan "Ayntraxt".
Bayern Munich Leon Goretzka - 17', Thomas Mueller - 41', Robert Lewandowski - 46', Alphonso Davies - 61', Martin Hinteregger - 74' |
1. Bundesliga . 27-tur 23/05/2020, 21:30 2
:
5
Tugadi
|
Eintracht Frankfurt Martin Hinteregger - 52', Martin Hinteregger - 55' |
Stadion: Allianz Arena, 0 tomoshabin
Bosh hakam: Marco Fritz
Hozir jamoalarning holati mutlaqo boshqacha deyishingiz mumkin, biroq bu o'yinda hech qanday intriga bo'lmaydi degani emas.
So'nggi ikki yil ichida Myunxen va Frankfurt o'rtasidagi kurash qaysidir manoda principial ahamiyat kasb etmoqda – jamoalar mana ettinchi bor turli musobaqalarda to'qnash kelishyapti.
"Bavariya" – 2020 yilda yutqazmagan holda 34 ochkoga ega bo'lgan yagona jamoa.
Flik qo'mondonligi ostida "Bavariya" har bir o'yinda o'rtacha 3,1 ta gol urmoqda (Bundesliganing 16 o'yinida naqd 50 ta gol!). SHu vaqt ichida Levandovski 13 ta va butun mavsum davomida 26 ta gol urdi. U shuncha turda 26 ta gol urishga erishgan "Bavariya" afsonasi Gerd Myullerdan tashqari chempionat tarixidagi ikkinchi o'yinchiga aylandi.
"Ayntraxt" – bu mavsumda "Bavariya"ni mag'lubiyatga uchratgan to'rt jamoadan biri.
Alohida aytish kerakki, "burgutlar" ligada mehmondagi o'yinlar bo'yicha eng yomon statistikaga ega. Ular ishlab olish mumkin bo'lgan 36 ochkodan atigi 7 ochko to'plashgan. "Ayntraxt" Myunxendagi oxirgi 10 ta uchrashuvda faqat yutqazgan.
Jamoaning to'purarlari - himoyachi Martin Xinteregger va hujumchi Gonsalo Pasiensiya. Ularning har biri 7 tadan gol urgan.
"Frankfurt"da o'ziga yarasha muammolar bor. Pasiensiya, Abraxam, Russ, Jelson va Kor kabilar turli sabablarga ko'ra o'yinni o'tkazib yuborishadi.
"Ayntraxt"ning bu o'yinda g'alaba qozonishiga hech kim ishonmayapti va jamoa mag'lubiyatlar seriyasini beshtaga etkazishini taxmin qilishmoqda.
"Bavariya" "Union" bilan uchrashuvda katta kuch bilan o'ynamagani rost, lekin bu bugungi o'yinda ham shunday bo'lishini anglatmaydi.
"Bavariya" ikkinchi o'rindagi jamoadan to'rt ochko oldinda bormoqda. Flik bugungi bahsda keyingi turda "Borussiya D" bilan bo'lib o'tadigan super jangni yodda tutgan holda o'z shogirdlarining kuchini ayab o'ynatishga harakat qiladi, etakchilarni asraydi. Balki, zaxiradagi o'yinchilarning xizmatidan foydalanishi mumkin.
"Bavariya" tarkibidagi holat hamon o'zgarishsiz, yani Tolisso, Xavi Martines va Zyule davolanishni davom ettirmoqdalar, Koutino ham qaytishga yaqin. U navbatdagi o'yinlarni o'tkazib yuborsa-da, safga qaytishga oz qolgani uning kelajagi bo'yicha savollarga javob berishiga sabab bo'ladi.
Bild nashri tomonidan taqdim etilgan taxminiy tarkiblar
"Alyanc Arena" bugungi o'yinga tayyor!
“Bavariya” ishtirokidagi o'yinlarni tomosha qilish har bir futbol ishqiboziga zavq bag'ishlaydi. SHunday ekan, Toshkent vaqti bilan 21:30'da boshlanadigan bahsni o'tkazib yuborishni maslahat bermaymiz.
Bundesliga. Markaziy o'yin va "Folksvagen-Arena"dagi to'qnashuv haqida (prevyu)
Bundesliga. Qiziqarli o'yinlarga boy tur prevyusi
SHerzod Nurmatov tayyorladi.
Fikrlar