Bugun U-16 Osiyo chempionati start oladi

Qita birinchiligida Osiyoning eng kuchli 16 terma jamoasi ishtirok etadi. Ular orasida Temur Olimxo'jaev boshchiligidagi O'zbekiston o'smirlari ham bor. O'smirlarimiz "D" guruhida Tailand, KXDR va Yaman bilan kuch sinashishadi.

Musobaqada yarim finalga chiqqan to'rt terma jamoa keyingi yil Hindistonda bo'lib o'tadigan U-17 Jahon chempionatiga yo'llanmani qo'lga kiritadi.

Bugun "A" guruhida dastlabki tur o'yinlari bo'lib o'tadi. Eron va Saudiya Arabistoni o'rtasidagi uchrashuv Toshkent vaqti bilan soat 15:30da boshlanadi.

18:30da esa Hindiston - BAA o'yini start oladi.

O'zbekiston o'smirlari musobaqani 17 sentyabr kuni Tailandga qarshi bahs bilan boshlashadi. Mazkur uchrashuv Toshkent vaqti bilan soat 19:30da boshlanadi.

Quyida dastlabki tur uchrashuvlarining taqvimi keltirilgan. Barcha soatlar Toshkent vaqti bilan berilgan.


"A" guruhi
15 sentyabr
15:30 - Eron - Saudiya Arabistoni
18:30 - Hindiston - BAA

"B" guruhi
16 sentyabr
15:30 - Avstraliya - Qirg'iziston
19:30 - Yaponiya - Vetnam


"C" guruhi
16 sentyabr
15:30 - Janubiy Koreya - Iroq
19:30 - Malayziya - Ummon


"D" guruhi
17 sentyabr
15:30 - KXDR - Yaman
19:30 - O'ZBEKISTON - Tailand