Bugun SHevchenko boshchiligidagi Ukraina Italiya bilan o'ynaydi

Italiya terma jamoasi so'nggi yillarda juda kuchli inqirozni boshdan kechirmoqda. O'z vaqtida Italiyaning "Milan" klubi safida ajoyib o'yinlar o'tkazgan Andrey SHevchenko endi murabbiy sifatida ushbu yurtga tashrif buyuradi.

Roberto Manchini boshchiligidagi "Skuadra Adzurra" safida bir qator yo'qotishlar bor. Himoyachilar Alessio Romanoli, Danilo D'Ambrozio va hujumchi Patrik Kutrone Genuyadagi o'yinda maydonga tushishmaydi. Murabbiy ularning o'rniga Kristiano Pichchini va Lorenco Tonellini chaqirdi.

SHevchenko jamoasida ham bitta yo'qotish bor. Yig'in doirasida Artem Besedin jarohat oldi va uning o'rniga Artem Kravec terma jamoaga chaqiruv oldi.


Italiya — Ukraina
CHorshanba, 10 oktyabr, 23:45, Genuya, "Luidji Ferraris" stadioni.
Bosh hakam — Rade Obrenovich (Sloveniya).

TAXMINIY TARKIBLAR

Italiya: Donnarumma — Laccari, Kaldara, Kellini, Krishito — Kristante, Jorjino, Bonaventura — Dzadza, Immobile, Keza

Ukraina: Boyko — Karavaev, Krivcov, Plastun, Matvienko — Stepanenko, Malinovskiy — Cygankov, Marlos, Zinchenko — Yaremchuk

O'YINDAN OLDINGI FIKRLAR

Roberto Manchini:

“Birinchi maqsadimiz – stadionga keladigan Genuya aholisini xursand qilish. Umid qilamanki, jamoa bu vazifani bajara oladi”.

Andrey SHevchenko:

“Bizga qarshi o'ynash og'ir. Agar to'pni nazorat qila boshlsak buni professional tarzda bajaramiz. Agar raqiblarimiz pressing qilishsa gol urish uchun bizda imkoniyat paydo bo'ladi. Bu terma jamoa uchun plyus”.