Bugun Serbiya, Ispaniya va Kosta-Rika JCH-2018 yo'llanmasiga ega bo'lishi mumkin
06 okt 2017 15:23
Yangiliklar

Bugun Serbiya, Ispaniya va Kosta-Rika JCH-2018 yo'llanmasiga ega bo'lishi mumkin

Bugun ham 2018 yil Rossiyada bo'lib o'tadigan Jahon chempionatiga saralash o'yinlari davom ettiriladi.

Hozirga kelib Rossiyadagi mundialning 10ta ishtirokchisi malum: Rossiya (mezbon), Braziliya, Eron, Yaponiya, Meksika, Belgiya, Janubiy Koreya, Saudiya Arabistoni, Germaniya va Angliya. Bugun tunda Evropada va KONKAKAF mintaqasida bo'lib o'tadigan o'yinlardan so'ng yana 3 jamoa yo'llanmaga ega chiqishi mumkin.

Serbiya

Slavolyub Muslin boshchiligidagi jamoa bugun safarda Avstriyani mag'lub etsa Jahon chempionatiga chiqqanini bayram qilaversa bo'ladi. Agar Uels va Irlandiya bugun o'z raqiblariga yutqazib qo'yishsa xatto durang va mag'lubiyat ham serblarni mundial sari etaklaydi.

Barcha soatlar Toshkent vaqti bilan berilgan

D guruhi
Gruziya – Uels. 21.00
Avstriya – Serbiya. 23.45
Irlandiya – Moldova. 23.45

Ispaniya

G guruhida 2010 yilgi Jahon chempionlari Italiyadan 3 ochko oldindalar. Bugun Albaniya mag'lub etilsa va Italiya Makedoniyani enga olmasa ispanlar JCH chiptasiga ega bo'lishadi. Agar Italiya Makedoniyaga yutqazib qo'ysa Ispaniyaga durang ham etadi.

G guruhi
Ispaniya – Albaniya. 23.45
Italiya – Makedoniya. 23.45

Kosta-Rika
Kosta-Rika - Gonduras uchrashuvi kuchli tropik dovul tufayli bir kunga kechiktirildi. Biroq Kosta-Rika buguning o'zida yo'llanmaga ega bo'lishi mumkin. Buning uchun AQSH - Panama uchrashuvida durang qayd etilishi kerak.