Bugun futbol. "Qo'qon-1912" - "Qizilqum"
19 iyu 2020 12:41
Yangiliklar

Bugun futbol. "Qo'qon-1912" - "Qizilqum"

Bugun bo'lib o'tadigan ikkita o'yin bilan Coca Cola Superligasining 5-turiga start beriladi.

Avvalgi ikkita uy uchrashuvni g'alaba bilan yakunlagan "Qo'qon-1912" o'z maydonida chempionatda hali g'alaba qozonmagan "Qizilqum"ni qabul qiladi.

Musobaqa jadvalida "Qo'qon-1912" 6 ochko bilan 6-o'rinni egallab turibdi. "Qizilqum" hisobida esa atigi 1 ochko majud bo'lib bu jamoa 13-o'rinda boryapti.

O'tgan turda har ikki jamoa mag'lubiyatga uchradi. "Qo'qon-1912" safarda "Bunyodkor", "Qizilqum" o'z maydonida AGMKga qarshi bahsda bir xil 0:1 hisobida imkoniyatni boy berdi.

Bugungi o'yin "Qo'qon-1912" uchun o'z maydonidagi uchinchi bellashuv bo'ladi. Avvalgi ikkita uy o'yinida Baxtiyor Ashurmatov shogirdlari g'alabaga erishishgan. Qo'qonliklar dastlab "Buxoro"ni 3:0, so'ngra "So'g'diyona"ni 2:1 hisobida mag'lub etishdi. Umuman olganda "Qo'qon-1912" uydagi ikkita bahsni g'alaba bilan yakunlab, safarda ikki bor imkoniyatni boy berdi.

"Qizilqum"ga kelsak, bu jamoa to'rtta turdan uchtasini o'z maydonida o'tkazib, faqat mag'lub bo'ldi. Jamoaning yagona durangi Superligaga bu yil qaytgan "Mashal" bilan safarda qayd etilgan (1:1). Bugun navoiyliklar ikkinchi bor safarda to'p tepishadi va Tachmurad Agamuradov shogirdlari ilk bor uch ochkoli bo'lishga harakat qilib ko'rishadi.

Qizig'i shundaki, bugungi o'yin ustoz va shogird o'rtasidagi o'zaro qarama-qarshilik bo'ladi. Negaki Baxtiyor Ashurmatov 2004-2005 yilgi mavsumda aynan turkmanistonlik murabbiy qo'l ostida "Paxtakor"da faoliyat olib borgan.

P.S. Coat 19:00da boshlanadigan o'yinni "Mahalla" TV orqali to'g'ridan to'g'ri kuzatib boring.

Qo’qon-1912

Otabek Haydarov - 61', Murod Xolmuhamedov - 87', Aleksandr Merzlyakov - 89', Sobit Sindarov - 90'

Superliga. 5-tur

19/06/2020, 19:00

Tugadi

Qizilqum

45'

90'