Bugun futbol. "Olmaliq" - "Metallurg"

“Olmaliq” (Olmaliq) – “Metallurg” (Bekobod)
Hakamlar: B. Namozov (Toshkent), J. Sarsenov (Nukus), B. Kannazarov (Nukus), D. Jamilov (Toshkent vil.)
Nazoratchi: R.Serazetdinov (Toshkent)
O'zPFL vakili: G. Rtveladze

Jadvaldagi o'rni: "Olmaliq" 9-o'rinda (13 ochko). "Metallurg" 15-o'rinda (8 ochko).

O'yindan nima kutyapmiz? "Olmaliq" o'z maydonida to'p tepishini hisobga olsak, ustunlik mezbonlar tomonida. Lekin "Metallurg" ham qarab turmasa kerak. CHunki bekobodliklarga ham ochko suv va havodek zarur. Qolaversa, "Metallurg" safardagi o'yinlarda g'alaba qozona olmayapti.

Fakt: "Olmaliq" o'z maydonidagi to'rtta o'yindan ikkitasida g'alabaga erishib, ikki marta durang o'ynagan. Va jamoa uyda 8 ochkoli bo'lgan. Kumikov shogirdlari uyda hali mag'lub bo'lishmagan.

Bilasizmi? "Olmaliq" o'z maydonidagi o'yinlarda gol o'tkazmay kelayotgan oliy liganing yagona jamoasi bo'lib turibdi. To'plar nisbati 3-0.

Fakt: Safarda to'rtta o'yinda maydonga tushgan "Metallurg" bir marta durang o'ynab, uchta uchrashuvda mag'lub bo'lgan. Qizig'i shundaki, "Metallurg" safarda hali g'alaba qozonmagan, bundan tashqari atigi bitta gol urgan.

Bilasizmi? "Metallurg" safardagi bir ochkoni "Bunyodkor" bilan o'yinda qo'lga kiritgan. Jamoa 1:1 hisobida durang o'ynagan.