Bugun "burgutlar" va "sherlar" to'qnashuvi bo'ladi

Bugun "Paxtakor"ga qarshi bahs bilan "Andijon" ikkinchi davra o'yinlarini boshlaydi. Bosh hakam: Rustam Bobomurodov. O'yin 18:00da start oladi.

Turnir jadvalidagi o'rni: "Andijon" 15-o'rinda (9 ochko), "Paxtakor" 5-o'rinda (27 ochko).
Ochkolar orasidagi farq - 18 ochko.

Tarif: Ikkala jamoa davralar oralig'ida bir nechta o'rtoqlik uchrashuvida maydonga tushdi. Birinchi rasmiy o'yindan oldin imkoniyatlarni baholash birmuncha qiyin. Birinchi davradan so'ng "Andijon" safida ko'plab o'zgarishlar ro'y berdi. "Paxtakor" tarkibida esa deyarli katta o'zgarishlar bo'lgani yo'q.

Fakt: "Andijon" qatorasiga ettita bellashuvda mag'lubiyatga uchragan jamoa bo'lib turibdi. Jamoa o'z maydonida faqat uch marta g'alaba qozongan. Keyingi uchta bahsda esa imkoniyatni boy berdi. "Paxtakor" esa birinchi davraning oxirgi beshta o'yinidan to'rttasini g'alaba bilan yakunladi.  

Fakt: Toshkentda kechgan birinchi davra o'yinida "Paxtakor" 2:1 hisobida g'alaba qozongan.
Oliy liga, 1-tur.
Paxtakor – Andijon – 2:1.
Gollar: I. Sergeev (9), J. Masharipov (53) – N. Yovanovich (69).

Eslatma: Kecha bo'lib o'tgan yoshlar ligasi bahsida yosh "paxtakorchilar" 1:0 hisobida zafar quchishdi.