Bugun bo'lib o'tadigan UEFA Superkubogi uchrashuvi haqida

Bu bahs UEFA Superkubogi tarixidagi 41-uchrashuv bo'ladi. Bu o'yinda "Real" CHempionlar ligasi g'olibi, "Sevilya" esa Evropa ligasi bosh sovrini egasi sifatida ishtirok etadi. Toshkent vaqti bilan 23:45da boshlanadigan uchrashuv Norvegiyaning Troynxeym shahridagi "Lerkendal" stadionida bo'lib o'tadi.

Ushbu arena "Rusenborg" klubining uy stadioni hisoblanib, o'z bag'riga 21,166 muxlisni sig'dira oladi.

"Real" va "Sevilya" UEFA Superkubogi uchun bahsda beshinchi marotaba ishtirok etishmoqda. "Real" ushbu sovrin uchun kechgan to'rt uchrashuvning 2 tasida g'alaba qozongan. "Sevilya" esa bir marotaba UEFA Superkubogi g'olibiga aylangan. Bu jamoalar 2014 yilda ham ushbu sovrin uchun kurash olib borishgan. O'sha bahsda "Real" Ronalduning golari evaziga g'alaba (2:0) qozongan.

Bugungi bahsni serbiyalik hakamlar brigadasi (Milorad Majich, Milovan Ristich va Dalibor Jurjevich) boshqarib boradi.

23:45. "Real" - "Sevilya"