Bugun 18:00. "Bunyodkor" - "Al Hilol"

O'zbekiston va Saudiya Arabistoni grandlari o'rtasidagi bahs soat 18:00da boshlanadi.

“Bunyodkor” futbol klubi muxlislarga murojaat qilgan holda, ishqibozlarni “Paxtakor” markaziy stadioniga chorlaydi. Qitamizning klublar o'rtasidagi eng nufuzli musobaqasi – Osiyo CHempionlar ligasidagi O'zbekistonning yagona vakili “Bunyodkor”ga muxlislarning bevosita stadiondagi daldasi juda-juda muhim. “Bunyodkor”ning OCHLda muvaffaqiyatli qatnishishi nafaqat turnirdagi yagona vakilimizning ishtirokini davomli bo'lishini, balki kelasi yilgi Osiyo CHempionlar ligasi kvotalari uchun muhim bo'lgan ballarni qo'lga kiritishini taminlaydi.

Mana shunday muhim pallada futbol ishqibozlari birlashib, “qaldirg'ochlar”ga dalda bo'lishidan umidvormiz. O'ylaymizki, o'zbekistonlik muxlislar 7 may oqshomida “Paxtakor” stadionida “Bunyodkor”ni yolg'izlatib qo'yishmaydi.

“Bunyodkor” – muxlislar uchun o'ynaydi!