Buffon: "Biz bilan birga bo'lgan muxlislardan uzr so'rayman"

- Men avvalo muxlislarimizdan uzr so'rayman. Ular biz bilan doimo birga bo'lishdi. Biz yaxshi o'ynadik, raqibga imkoniyat bermaslikka harakat qildik. Ammo bugun omad biz tomonda bo'lmadi. Italiya terma jamoasi manziliga yo'llangan maqtovlardan faxr tuyg'usini his etyapmiz. Evropa chempionatida qilgan ishlarimizdan faxrlansak arziydi. Uyga qaytayotganimizdan afsusdamiz. Yarim finalga bir qadam qolgandi. Germaniya uchta penaltini aniq amalga oshira olmadi. Bu kamdan-kam bo'ladigan holat. Ammo raqibning bu natijasi ham seni g'alabang uchun etarli bo'lmasligini bugun guvohi bo'ldik.

Italiya bir jamoa bo'lib birlashgani bu g'alabalarimizga katta zamin yaratdi. Birlasha olganimiz eng katta g'alabamiz. Bu esa yorqin kelajakka yo'l ochadi.