Bu qiziq! Aslida CHilining o'zi aybdor bo'lgan ekan

CHili terma jamoasi sensacion tarzda oltinchi o'rinni egallab mundialdan cheta qoldi. Ular bilan bir xil ochko to'plagan Peru to'plar nisbatiga ko'ra tepada joylashdi va pley-offda o'ynaydigan bo'ldi.

Aslida Peru CHilidan bir ochko kam to'plashi kerak edi. Bir boshdan boshlaymiz.

2016 yil 6 sentyabr kuni CHili o'z uyida Boliviya bilan 0:0 hisobida durang o'ynadi. Uchrashuvdan keyin chililiklar mehmonlar safida Nelson Kabrera maydonga tushgani haqida arznoma yozishdi. FIFA qoidasiga ko'ra Kabrera haqiqatdan ham maydonga tushish huquqiga ega emasdi. CHiliga o'sha o'yinda durang o'rniga 3:0 hisbidagi texnik g'alaba yozildi. Barchasi ajoyib shundaymi? Yo'q, chunki o'sha yilning 1 sentyabr kuni Boliviya o'z uyida aynan Kabrera bilan birga Peruni 2:0 hisobida mag'lub etgandi. FIFA o'sha o'yinda ham Boliviyaga mag'lubiyat va Peruga 3:0 hisobidagi texnik g'alaba yozdi.

Matematikani u qadar yaxshi bilmaganlar uchun. Agar arznoma yozilmaganida va barchasi o'z o'rnida qolganida CHilida 24, Peruda 23 ochko bo'lardi...

Ana shunaqa.