Breaking news! Omon G'ofurov PFLni tark etdimi? Yangi rahbar kim bo'lishini topdik...

18:57. O'FAda o'zgarishlar ro'y bergan, PFLda hammasi oldingidek qolgan edi. "Championat.asia"ga malum bo'lishicha, PFL direktori Omon G'ofurov narsalarini yig'ishtirib ofisini tark etgan. U nima uchun narsalarini yig'ishtirib ketgani bizga malum emas. Katta ehtimol O.G'ofurov o'zbek futbolidagi ish faoliyatini yakunladi.

O'z-o'zidan savol tug'iladi: - Endi PFLga kim rahbar bo'ladi?

Biroz avval O'FA rasmiy saytida Ravshan Ermatov milliy terma jamoa bosh murabbiyi Ektor Kuper va boshqa terma jamoalar murabbiylari bilan uchrashuv o'tkazgani haqidagi xabar suratlar bilan birga berilgan edi.

Yuqoridagi suratga etibor qaratadigan bo'lsak, u erda hali rasman elon qilinmaganlardan biri Olim Arifov O'FAga qaytgani haqida biroz oldin xabar bergan edik. Bundan tashqari, yana bir inson bor-ki, shu kungacha terma jamoalarga aloqasi yo'q edi. Suratda to'g'rida o'tirgan Davron SHoqurbonov bugungi kungacha "Bunyodkor" futbol klubi sport direktori sifatida faoliyat yuritib kelayotgan edi. Mantiqan olib qaraydigan bo'lsak, SHoqurbonov PFLning yangi direktori bo'lishi ham mumkin.

19:05. Hozirgina Omon G'ofurov biz bilan bog'landi va hali PFLni tark etmaganini, ish faoliyatini davom ettirayotganini malum qildi.

Voqealar rivojini kuzatib boramiz.