Braziliyalik muxlislar O'ZBEKISTON deya hayqirishdi

21 soat deganda Toshkentdan San-Paulu shahriga etib bordim. Keyin futbol ishqibozlarini o'z bag'riga sig'dirgan, uzoq yo'l uchun mo'ljallangan avtobusda Belo Orizonte shahri tomon yo'lga chiqdim. Bu avtobusda braziliyalik muxlislardan tashqari Olmoniyadan ham ishqibozlar bor edi.





O'yinga hali bir necha soat bo'lsada, muxlislar stadion tomon yo'l olishgan. Stadionga 6 kmga yaqin hududdan boshlab mashinalar tirbandligini ko'rishingiz mumkin. SHuning uchun barcha stadionga piyoda boryapti. Germaniya va Braziliya terma jamoalari va qolgan sayyohlar o'rtasida do'stona munosabat.

Quyidagi video orqali ko'rishingiz mumkin, braziliyaliklar O'zbekiston deb baqirishyapti. Atrofdagi atmosfera bir so'z bilan, yani muxlis ko'zi bilan aytganda SUPER! Hamma stadionga kelayotgan bo'lsada, stadion ichiga emas, uning atrofidagi muhitga oshiqishyapti. Istasangiz dam oling, istasangiz emakxona, magazinlarni aytmaysizmi? Hamma narsalar muxlis uchun alo darajada yaratilgan. Faqat muxlis ko'pligidan telefonlarimizni quvvat oldirish uchun navbat kutyapmiz.




Agar bugun Kloze maydonga tushib gol uradigan bo'lsa, afsonaviy Ronaldodan o'tib ketadi. Buni muxlislar istashmayapti. Bu holat aks etgan suratlarni tomosha qilishingiz mumkin.




Uchrashuv yakuniga etishi bilan yana San Paulo tomon yo'lga chiqamiz. Ertaga stadiondagi muhitni sizlarga yaqindan tanishtiramiz. CHiptalar qo'lda ham yo'q hisobi. Bo'lsa ham narxi osmon. Hazillashib chiptamni sotaman degan edim, 3000 dan, 5000 AQSH dollarigacha pul vada qilishdi. Ammo bu erga kelib futbolni stadiondan ko'rmasdan ketish, bo'lmapti. Stadion atrofida esa Braziliya madhiyasi tarqatilyapti. Hullas endi o'yinga ketdim...