"Borussiya D" himoyachisi "Barselona"ga o'tmoqchi

Dortmundning "Borussiya" klubi himoyachisi Toma Mene "Barselona"ga o'tish istagida. Bu haqda Sport.es xabar bermoqda.

Belgiyalik futbolchining nemis klubi bilan shartnomasi 2024 yilning iyuniga qadar tuzilgan. Ko'rinishidan, futbolchi "asalarilar"da qolishni rejalashtirmayapti va faoliyatini boshqa joyda davom ettirmoqchi.

Mene "Inter" va "Milan"dan takliflar olganiga qaramasdan, "Barselona"ga o'tishni istamoqda. Kataloniyaliklar haqiqatan ham o'ng qanot himoyasi uchun o'yinchi qidirmoqda, biroq ular belgiyalik futbolchining nomzodini ko'rib chiqayotgan bo'lsalar-da, hali u bilan bog'lanishmadi.

31 yoshli himoyachi joriy mavsum barcha musobaqalarda 15 ta o'yinda maydonga tushib, 1 ta golli uzatmani amalga oshirdi.